尋日睇到段新聞，題目係“內地整形黑幕 學員互拮「4日變專家」” ，睇埋內文，真係嚇死人！！
所謂4日課程可以學識幫人打針整形，4日攞到張cert都得，大家應該唔洗咁辛苦讀醫...
睇見個課程啲學生互拮到流曬血都唔比停...真係恐怖過睇恐怖片...
記得無耐前我翻過內地，見到隨處都係醫學美容嘅廣告（除咗婦科廣告以外，最多就係醫美廣告）。
證明內地醫學美容市場真係好火爆，但當然，樹大有枯枝，一舊石頭跌落唻會壓扁十間唔正規嘅醫院。
我又試過係大陸購物網站“淘寶”見過有玻尿酸、botox針劑買~
價錢當然係好平啦！大家可能會奇怪，買完邊個打？？
A）上網搵“私家醫生”上門施打。
B）真係上完所謂課程自己打，或互相打！！
咁做好明顯係好危險！！小則毀容，大則喪命，因為如果針劑受咗感染，被施打者有機會壞血而死。係真係會死的...
拿可以去皺同瘦面嘅Botox唻講，大陸製嘅假貨係咁嘅樣。
想靚，最好當然係咨詢多幾間僱用有正規醫生嘅醫學美容中心，要睜大眼睛睇清楚，因為消費陷阱處處都有。
沒有留言:
張貼留言